गणेशोत्सवाच्या पावन पर्वावर आज, दिनांक १७ सप्टेंबर २०२६ रोजी मा. खासदार श्री. अनुप भाऊ धोत्रे यांनी ‘श्री तेज हनुमान गणेश उत्सव मंडळा’ला सदिच्छा भेट देऊन श्री गणरायाचे अत्यंत मनोभावे दर्शन घेतले.
खासदार अनुप भाऊ धोत्रे आगमनप्रसंगी मंडळाच्या पदाधिकाऱ्यांनी आणि स्थानिक नागरिकांनी त्यांचे जल्लोषात स्वागत केले. बाप्पाच्या आरतीनंतर मंडळाच्या वतीने मा. खासदारांचा शाल, श्रीफळ आणि पुष्पगुच्छ देऊन मनःपूर्वक सत्कार करण्यात आला.या प्रसंगी शहराचे नगराध्यक्ष, स्थानिक नगरसेवक, मंडळाचे अध्यक्ष तसेच परिसरातील सर्व प्रमुख गणेशभक्त मोठ्या संख्येने उपस्थित होते.
दर्शन घेतल्यानंतर मा. खासदारांनी मंडळाच्या विविध सामाजिक आणि सांस्कृतिक उपक्रमांचे भरभरून कौतुक केले व सर्व नागरिकांना गणेशोत्सवाच्या हार्दिक शुभेच्छा दिल्या.कार्यक्रमाच्या शेवटी “गणपती बाप्पा मोरया, मंगलमूर्ती मोरया”च्या जयघोषाने संपूर्ण परिसर भक्तीमय झाला होता. उपस्थितांचे आभार मानून कार्यक्रमाची सांगता करण्यात आली.