जमीन विकली, जमीन गहाण ठेवली, पत्नीची पोतही गहाण ठेवली; तरी कर्जाचा ताण कायमबुलढाणा |
प्रतिनिधीशेतीतील नुकसान, नापिकी आणि वाढत्या कर्जाच्या ताणामुळे संग्रामपूर तालुक्यातील चोंडी टाकळेश्वर येथील शेतकरी शंकर रामभाऊ भारसाकळे यांचा मृत्यू झाल्याची दुर्दैवी घटना ३ ऑक्टोबर रोजी समोर आली. त्यांनी मागे ठेवलेल्या चिठ्ठीत कर्जफेडीसाठी केलेल्या प्रयत्नांचा उल्लेख केला असून, जमीन विकल्यानंतरही कर्जाचा प्रश्न सुटला नसल्याचे नमूद केल्याची प्राथमिक माहिती आहे.कर्ज फेडण्यासाठी केले सर्वतोपरी प्रयत्नशंकर भारसाकळे हे अल्पभूधारक शेतकरी होते. शेतीतून अपेक्षित उत्पन्न मिळत नसल्याने त्यांच्यावर कर्जाचा भार वाढत गेला. परिस्थितीतून मार्ग काढण्यासाठी त्यांनी स्वतःची जमीन विकली. उर्वरित जमीन गहाण ठेवली, तसेच पत्नीची पोतही गहाण ठेवल्याचे त्यांनी चिठ्ठीत नमूद केले आहे. मात्र, या प्रयत्नांनंतरही कर्जाचा प्रश्न कायम राहिल्याचे त्यातून दिसून येते.चिठ्ठीत कर्जाचा उल्लेखमृत्यूपूर्वी लिहिलेल्या चिठ्ठीत त्यांनी आपल्यावरील कर्ज आणि ते फेडण्यासाठी केलेल्या प्रयत्नांचा उल्लेख केल्याची माहिती आहे. या चिठ्ठीतील मजकुराच्या आधारे पोलिसांकडून पुढील तपास केला जात आहे.मंत्र्यांच्या दौऱ्याच्या पार्श्वभूमीवर घटनादरम्यान, महसूल मंत्री चंद्रशेखर बावनकुळे शनिवारी बुलढाणा जिल्ह्यातील दुष्काळी परिस्थितीची पाहणी करण्यासाठी दौऱ्यावर होते. शेतकऱ्यांच्या बांधावर जाऊन त्यांच्या अडचणी जाणून घेण्याच्या दौऱ्यादरम्यानच चोंडी टाकळेश्वर येथील ही घटना समोर आली.कर्जबाजारीपणा आणि शेतकरी संकटाचा प्रश्न ऐरणीवरया घटनेमुळे बुलढाणा जिल्ह्यातील शेतकऱ्यांसमोरील कर्ज, नापिकी, उत्पादन खर्च आणि आर्थिक असुरक्षिततेचा प्रश्न पुन्हा ऐरणीवर आला आहे. शेतकऱ्यांना पीक नुकसानभरपाई, कर्जाबाबत दिलासा आणि शासकीय योजनांचा वेळेत लाभ मिळावा, अशी मागणी या पार्श्वभूमीवर होत आहे. घटनेबाबत पोलिस तपास सुरू असून, अधिकृत तपशीलानंतरच पुढील बाबी स्पष्ट होणार आहेत.