अकोला:अवैध शस्त्रे बाळगणाऱ्या आणि गंभीर गुन्हे करण्याच्या उद्देशाने शहरात फिरणाऱ्या गुन्हेगारांवर अकोला पोलिसांच्या स्थानिक गुन्हे शाखेने (LCB) धडक कारवाई केली आहे. ‘ऑपरेशन प्रहार’ अंतर्गत जिल्हा व सत्र न्यायालयाच्या वाहनतळासमोरील लोखंडी गेटजवळ सापळा रचून एका २४ वर्षीय आरोपीला ताब्यात घेण्यात आले. त्याच्याकडून एक देशी बनावटीचा कट्टा, दोन मॅग्झीन, जिवंत काडतुसे आणि सुझुकी जिक्सर मोटरसायकलसह एकूण १ लाख ५७ हजार रुपयांचा मुद्देमाल जप्त करण्यात आला आहे.
कोर्ट परिसरात रचला सापळापोलीस अधीक्षक श्री. अर्चित चांडक यांच्या मार्गदर्शनाखाली अकोला जिल्ह्यात अवैध धंद्यांवर आणि अवैध शस्त्रे बाळगणाऱ्यांवर कारवाई करण्यासाठी ‘ऑपरेशन प्रहार’ मोहीम राबवली जात आहे. ७ ऑक्टोबर २०२६ रोजी स्थानिक गुन्हे शाखेचे पथक अकोला शहरात गस्त घालत असताना, एक इसम निळ्या रंगाच्या सुझुकी जिक्सर मोटरसायकलवर कमरेला देशी कट्टा लावून गंभीर गुन्हा करण्याच्या व लोकांमध्ये दहशत निर्माण करण्याच्या उद्देशाने येणार असल्याची गोपनीय माहिती मिळाली.
या माहितीच्या आधारे पोलीस निरीक्षक नितीन लेव्हरकर यांच्या नेतृत्वाखालील पथकाने जिल्हा व सत्र न्यायालयाच्या वाहनतळासमोर तात्काळ सापळा रचला.
आरोपीकडून जप्त केलेला मुद्देमाल:संशयित आरोपी संतोष नरसिंग ठाकुर (वय २९, रा. म्हातोडी रोड, घुसर, ता.जि. अकोला, ह.मु. १८ क्रमांक शाळेसमोरील गल्ली, रामदासपेठ, अकोला) याला पोलिसांनी शिताफीने ताब्यात घेतले. त्याची अंगझडती घेतली असता खालील साहित्य जप्त करण्यात आले:देशी कट्टा (अग्निशस्त्र) व २ मॅग्झीन: किंमत रु. ४०,०००/-०२ जिवंत काडतुसे: किंमत रु. २,०००/-सुझुकी जिक्सर मोटरसायकल (MH 30 BJ 8368): किंमत रु. १,१०,०००/-मोबाईल फोन व इतर साहित्य: किंमत रु. ५,०००/-(एकूण जप्त मुद्देमाल: रु. १,५७,०००/-)रामदास पेठ पोलीस ठाण्यात गुन्हा दाखलया प्रकरणी आरोपीविरुद्ध पोलीस ठाणे रामदास पेठ येथे भारतीय हत्यार कायदा (आर्म्स ॲक्ट) कलम ३, २५ अन्वये गुन्हा दाखल करण्यात आला असून पुढील कायदेशीर तपास सुरू आहे.
कारवाई करणारे पोलीस पथक:ही कामगिरी पोलीस अधीक्षक श्री. अर्चित चांडक, अप्पर पोलीस अधीक्षक श्री. बी. रेड्डी यांच्या मार्गदर्शनाखाली पो.नि. नितीन लेव्हरकर, पोलीस अधिकारी निलेश देशमुख, गोपाल जाधव, विष्णु बोडखे, माजीद पठाण, अनिल चव्हाण तसेच पोलीस अंमलदार शेख हसन, उमेश पराये, सुलतान पठाण, भास्कर धोत्रे, अमित दुबे, अब्दुल माजिद, रविंद्र खंडारे, महेंद्र मलिये, किशोर सोनोने, खुशाल नेमाडे, मंगेश इंगळे, वसीमोद्दीन, एजाज अहमद, राहुल गायकवाड, स्वप्नील खेडकर, श्रीकांत पातोंड, अन्सार अहमद, राज चंदेल, आकाश मानकर, धिरज वानखडे, पवन डांबलकर, अभिषेक पाठक, मोहम्मद आमीर, सतिश पवार, अशोक सोनवणे, भिमराव दिपके आणि चालक विनोद ठाकरे, प्रविण कश्यप, रामकिसन डोईफोडे, मनिष ठाकरे, देवानंद खरात व प्रकाश लोखंडे यांच्या पथकाने केली.